12 mart 2021
Qarabağım - Doğma Yurdum!
12 mart 2021- ci il tarixində Azərbaycan Musiqi Mədəniyyəti Dövlət Muzeyinin filialı Qara Qarayevin Ev muzeyində “Qarabağım- Doğma Yurdum” adlı konsert keçirilmişdir. Layihənin rəhbəri Ü. Hacıbəyli adına BMA- nın xüsusi hazırlıq kafedrasının professoru,əməkdar müəllim Leyla Məmmədəliyevadır.
Konsertdə Ü. Hacıbəyli adına BMA- nın doktorantı, musiqişünas Vəfa Həmidova giriş sözü ilə çıxış etmişdir. Daha sonra dahi bəstəkar Qara Qarayevin qızı, Qara Qarayevin Ev Muzeyinin müdiri Züleyxa Qarayeva - Bağırova konsert iştirakçılarını salamlamışdır.
Konsertdə Ü. Hacıbəyli adına BMA-nın professoru, konsertmeyster ustalığı kafedrasının müdiri, əməkdar müəllim Gülnarə Acalovanın tələbələri: BMA-nın II kurs tələbəsi Mehriban Xudiyeva(f-no), BMA-nın III kurs tələbəsi Validə Səmədova (f-no), Ü. Hacıbəyli adına BMA- nın konsert ifaçılığı kafedrasının illüstratoru, Beynəlxalq müsabiqələr laureatı Güllübəyim Məmmədova (vokal), BMA-nın III kurs tələbəsi Hacırzalı Murad (tar), BMA-nın IV kurs tələbəsi Günel İmanova çıxış etmişlər. Konsertdə Ü. Hacıbəyli, F. Əmirov, V. Adıgözəlov, A.Zeynallı, A. Bəbirovun əsərləri səslənmişdir.
Konsertin sonunda Azərbaycan Musiqi Mədəniyyəti Dövlət Muzeyinin direktoru sənətşünaslıq üzrə fəlsəfə doktoru, əməkdar mədəniyyət işçisi Alla Bayramova yekun sözü ilə çıxış etmişdir.
 Tədbirlər
|
