az | ru | en

30 noyabr 2018
“Detaşe” violinoçular ansamblı Azərbaycan Musiqi Mədəniyyəti Dövlət Muzeyinin qonağı olmuşdur.


2018-ci il noyabrın 30-da Azərbaycan Musiqi Mədəniyyəti Dövlət Muzeyində Bakı Musiqi Akademiyasının professoru, Azərbaycan Respublikasının Xalq artisti Zəhra Quliyevanın rəhbərlik etdiyi “Detaşe” violinoçular ansamblı bu dəfə Azərbaycan Musiqi Mədəniyyəti Dövlət Muzeyinin qonağı olmuşdur.
Muzeyin direktoru, sənətşünaslıq üzrə fəlsəfə doktoru, Əməkdar mədəniyyət işçisi Alla Bayramova ansamblın yaradılmasının 10 illiyi münasibəti ilə təbrik etdi və muzeyin nəşri olan “Q.Qarayev Həyat və yaradıcılığı Azərbaycan Musiqi Mədəniyyəti Dövlət Muzeyinin materiallarında" və "Q.Qarayev Dram Tamaşalarına Musiqidən Fraqmentlər” not məcmuəsi kitablarını onlara hədiyyə etdi.
On yaşı tamam olan “Detaşe” ansamblının əsas fərqli xüsusiyyəti alət tərkibinin ancaq violinolardan ibarət olmasıdır. Uzun illər səmərəli fəaliyyət göstərən kollektiv müxtəlif konsert məkanlarında maraqlı layihələri ilə musiqisevərlərin dərin rəğbətini qazanmışdır.
Xalq artisti Zəhra Quliyeva çıxış edərək rəhbərlik etdiyi ansamblın yaradılması, fəaliyyəti və repertuarı barədə məlumat vermişdir.
Konsert proqramında “Detaşe” ansamblının üzvləri Mirqulamlı Xədicənin, Əsədova Ləmanın, Novruzova Turanənin, Kara Aytacın, Abdullayeva Ayselin, Rəsulova Şükufənin, Ələkbərli Günelin, Mehdizadə Aytacın, Nəsirli Fatimənin ifalarında Azərbaycan, rus və Qərbi Avropa bəstəkarlarının əsərləri səslənmişdir. “Detaşe” violinoçular ansamblını Səbinə Muradova müşayiət edirdi.







xəbərlərə








Video
- Niyazinin mənzil-muzeyinin açılışı
- Azərbaycan Respublikasının
  Mədəniyyəti və Turizm Naziri
  Ə. M. Qarayevin çıxışı

- Qədim Musiqi Alətləri Ansamblının
  10 illik yubileyi







UNESCO-nun Moskvadakı bürosu
 
sayt “Digital Age” şirkəti tərəfindən hazırlanmışdır
« Digital Age »


Veb-sayt UNESCO-nun Moskvadakı bürosunun dəstəyi ilə yaradılmışdır

Bu veb-saytda yerləşdirilmiş məlumat və materiallar UNESCO-nun baxışını mütləq şəkildə əks etdirməyə bilər.
Təqdim olunmuş məlumata görə məsuliyyət müəlliflərin üzərinə düşür.