az | ru | en

16 mart 2018
Vaqif Mustafazadə - 78


16 mart 2018-ci ildə Bakı Musiqi Akademiyasında görkəmli azərbaycan musiqiçisi və bəstəkarı, “Caz-muğam” cərəyanının əsasını qoyan Vaqif Mustafazadənin xatirə gecəsi keçirildi. Gecəni tanınmış aparıcı və sənətşünas Tofiq Həsənsoy apardı. Giriş sözü ilə Azərbaycan Dövlət Musiqi Mədəniyyəti Muzeyinin filialı Vaqif Mustafazadənin ev muzeyinin müdiri Afaq Əliyeva çıxış etdi. O gecənin təşkilində Bakı Musiqi Akademiyasının (BMA) rəhbərliyinin böyük əməyini qeyd etdi. Birinci dəfə olaraq bəstəkarın əsərlərinin notunun buraxılması həyata keçirilmişdir. Vaqif Mustafazadənin musiqi əsərləri BMA-nın əməkdaşı, kafedranın dosenti Pərviz Quliyevin köməkliyi ilə nota köçürülmüşdür.
Sonra Akademiyanın müəllim və tələbələri, Azərbaycan Respublikasının əməkdar artisti Fuad İbrahimovun idarəsi ilə Bakı Musiqi Akademiyasının kamera orkestrinin iştirak etdikləri Vaqif yaradıcılığına həsr olunmuş konsert baş tutdu. Pianoçu Gülsüm Eldarova və Sevda Məmmədli Vaqif Mustafazadəyə həsr olunmuş əsərlərlə çıxış etdilər. Gecənin sonunda Azərbaycan Respublikasının əməkdar artisti Emil Əfrasiyab Vaqif Mustafazadənin orkestrlə fortepiano üçün konsertini yüksək səviyyədə ifa etdi.
Çıxışlar Vaqifin çııxşlarının nadir video yazılarının nümayişi və slayd-şou ilə müşayiət olunurdu. Tədbirin çəkilişi aparıcı azərbaycan telekompaniyaları tərəfindən həyata keçirildi. Gecədə Azərbaycanın yaradıcı xadimləri, BMA-nın müəllim və tələbələri, muzeyin əməkdaşları, mətbuat nümayəndələri iştirak etdilər.








xəbərlərə








Video
- Niyazinin mənzil-muzeyinin açılışı
- Azərbaycan Respublikasının
  Mədəniyyəti və Turizm Naziri
  Ə. M. Qarayevin çıxışı

- Qədim Musiqi Alətləri Ansamblının
  10 illik yubileyi







UNESCO-nun Moskvadakı bürosu
 
sayt “Digital Age” şirkəti tərəfindən hazırlanmışdır
« Digital Age »


Veb-sayt UNESCO-nun Moskvadakı bürosunun dəstəyi ilə yaradılmışdır

Bu veb-saytda yerləşdirilmiş məlumat və materiallar UNESCO-nun baxışını mütləq şəkildə əks etdirməyə bilər.
Təqdim olunmuş məlumata görə məsuliyyət müəlliflərin üzərinə düşür.