28 oktyabr 2024
28 oktyabr 2024-cü il tarixində Azərbaycan Musiqi Mədəniyyəti Dövlət Muzeyinin filialı olan Niyazinin Mənzil Muzeyində Ü.Hacıbəyli adına Bakı Musiqi Akademiyası ilə birgə Niyazinin Mənzil Muzeyinin açılışının 30 illiyinə həsr olunmuş konsert keçirilmişdir. Konsertdən əvvəl qonaqlar foyedə yeni hazırlanmış "Muzeyin tarixindən"adlı fotosərgi ilə tanış olmuşlar.
Niyazinin Mənzil Muzeyinin müdiri, Əməkdar mədəniyyət işçisi Rza Bayramov giriş sözü ilə çıxış etmişdir. Azərbaycan Musiqi Mədəniyyəti Dövlət Muzeyinin şöbə müdiri Xanım Abdinova muzeyin fəaliyyət göstərdiyi illər ərzində görülən işlər, əldə olunan nailiyyətlər haqqında çıxış etmişdir. Onların çıxışı muzeyin zəngin kolleksiyaları əsasında hazırlanmış slayd-şou ilə müşayiət olunmuşdur.
Konsertdə Ü.Hacıbəyli adına Bakı Musiqi Akademiyasının professoru, Xalq artisti Ülviyyə Hacıbəyova və onun tələbələri Zöhrə Ramazanlı, Kənan Xəlilzadə, Natavan Səlimova, Samirə Kazımlı, Səma Mustafayeva, Leyla Babayeva görkəmli Azərbaycan bəstəkarları Zülfüqar Hacıbəyov, Qara Qarayev, Zakir Bağırov, Niyazi, Fikrət Əmirov, Arif Məlikov, Fərhad Bədəlbəyli, Mehriban Əhmədovanın əsərlərindən ibarət rəngarəng musiqi proqramı təqdim etmişlər.
 Tədbirlər
|
|
