7 avqust 2024
"Qara Qarayevin yubilyar əsərləri"
7 avqust 2024-cü il tarixlərində Azərbaycan Musiqi Mədəniyyəti Dövlət Muzeyinin filialı olan Qara Qarayevin ev-muzeyində Klassik musiqi həvəskarları klubunda "Qara Qarayevin yubilyar əsərləri" adlı tədbir keçirilmişdir.
Azərbaycan Musiqi Mədəniyyəti Dövlət Muzeyinin direktoru, sənətşünaslıq elmləri doktoru, Əməkdar mədəniyyət işçisi Alla Bayramova tədbiri giriş sözü ilə açmışdır.
Tədbirdə muzeyin direktoru Alla Bayramova Qara Qarayevin dahi ingilis yazıçısı, dramaturqu kimi qəbul edilən V. Şekspirin "Antoni və Kleopatra" (1964) dram tamaşasına bəstələdiyi musiqi haqqında çıxış etmişdir.
Qara Qarayev ev-muzeyinin ekskursiyaçısı, gənc musiqişünas Ulduz Əliyeva bəstəkarın kamera orkestri üçün yazılmış "Üçüncü Simfoniyası", onun müstəsna istedadının, əsərin əhəmiyyətli yaradıcı yanaşması haqqında məlumat vermişdir.
Qara Qarayev ev-muzeyinin elmi işçisi, musiqişünas Lətifə Məmmədova Azərbaycan musiqi sənətində ilk nümunə sayılan Q. Qarayevin "Çılğın Qaskoniyalı" qəhrəmanlıq müzikli barəsində çıxış etmişdir.
Məruzələr, əsərlərdən seçilmiş video və audifraqmetlərlə müşayiət olunmuş, dinləyicilərə təqdim edilmişdir.
Azərbaycan Mədəniyyəti Dövlət Muzeyinin zəngin kolleksiyaları əsasında mövzu üzrə hazırlanmış slayd-şou nümayiş olunmuşdur.
Tədbirdən sonra muzeyin qonaqlarına ekskursiya keçirilmiş, XX əsrin klassiki, görkəmli Azərbaycan bəstəkarı Qara Qarayevin həyat yaradıcılığı haqqında məlumat vermişdir.
 Tədbirlər
|
