11 may 2024
"Qarayevsiz 42 il"
11 may 2024-cü il tarixində Azərbaycan Musiqi Mədəniyyəti Dövlət Muzeyinin filiali olan Qara Qarayevin Ev Muzeyində Ü.Hacıbəyli adına Bakı Musiqi Akademiyası ilə birgə görkəmli bəstəkar, pedaqoq, akademik, SSRİ Xalq artisti, Sosialist Əməyi Qəhrəmanı Qara Qarayevin anım gününə həsr olunmuş "Qarayevsiz 42 il. İthaf" adlı tədbir keçirilmişdir.
Tədbirdə Qara Qarayevin qızı Züleyxa Qarayeva-Bağırova giriş sözü ilə çıxış etmişdir. Daha sonra tanınmış publisist, musiqişünas və pedaqoq Raya Abbasova, musiqişünas, Bakı Musiqi Akademiyasının professoru, sənətşünaslıq üzrə fəlsəfə doktoru, Əməkdar incəsənət xadimi Zümrüd Dadaşzadə Qara Qarayevin Azərbaycan musiqi mədəniyyətinin inkişafında yolu, əvəzolunmaz xidmətləri haqqında çıxış etmişlər. Onların çıxışı Azərbaycan Musiqi Mədəniyyəti Dövlət Muzeyinin zəngin kolleksiyaları əsasında hazırlanmış slayd-şou ilə müşayiət olunmuşdur.
Tədbirin bədii hissəsində respublika və beynəlxalq müsabiqələr laureatları olan gənc istedadların ifalarında Qara Qarayevin və dünya klassiklərinin əsərlərindən ibarət konsert proqramı təqdim olunmuşdur.
 Tədbirlər
|
