30 aprel 2024
OSMAN HACIBƏYOV - 100
30 aprel 2024-cü il tarixində Azərbaycan Musiqi Mədəniyyəti Dövlət Muzeyində Azərbaycanın teatr aktyoru, Əməkdar artist Osman Hacibəyovun 100 illiyinə həsr olunmuş tədbir keçirilmişdir.
Azərbaycan Musiqi Mədəniyyəti Dövlət Muzeyinin direktoru, sənətşünaslıq elmləri doktoru, Əməkdar mədəniyyət işçisi Alla Bayramova tədbiri giriş sözü ilə açmışdır.
Muzeyin şöbə müdiri Xanım Abdinova Hacıbəyovlar nəslinin layiqli nümayəndəsi Osman Hacıbəyovun yaradıcılıq yolu haqqında çıxış etmişdir.
Tədbirdə Ü.Hacıbəyli adına Bakı Musiqi Akademiyasının professoru, Xalq artisti Ülviyyə Hacıbəyova və tələbələrinin ifalarında Azərbaycan və Qərbi Avropa, rus bəstəkarlarının əsərlərindən ibarət konsert proqramı təqdim olunmuş, Osman Hacıbəyovun iştirak etdiyi tamaşalardan videofraqmentlər nümayiş olunmuşdur. Tədbirdə Osman Hacıbəyovun qızı Rəna Hacıbəyova, qohumları və digər ailə üzvləri iştirak etmişdir. Ailə üzvləri adından Xalq artisti Ülviyə Hacıbəyova Osman Hacıbəyov haqqında çıxış etmişdir.
Bütün çıxışlar Osman Hacıbəyovun həyat və yaradıcılıq yolunu əks etdirən slayd-şou ilə müşayiət edilmişdir.
 Tədbirlər
|
