17 avqust 2023
"KÖRPƏLƏR ÜÇÜN MUSİQİ TƏCRÜBƏSİ" ADLI SEMİNAR
17 avqust 2023-cü il Azərbaycan Musiqi Mədəniyyəti Dövlət Muzeyində "Körpələr üçün musiqi təcrübəsi" adlı seminar keçirilmişdir.
Azərbaycan Musiqi Mədəniyyəti Dövlət Muzeyinin direktoru, sənətşünaslıq elmləri doktoru, Əməkdar mədəniyyət işçisi Alla Bayramova giriş sözü ilə çıxış etmişdir.
Sonra söz italyan musiqi pedaqoqu, bəstəkar və müəllif, Florensiya şəhərindəki Uffizi Muzeyinin Müasir İncəsənət Qalereyasında təhsil layihələrinin rəhbəri Arnolfo Borsakkiyə (Arnolfo Borsacchi) verilmişdir.
"Körpələr üçün musiqi təcrübəsi" adlı seminarda Arnolfo Borsakki ailələr və muzeylər arasında daha güclü əlaqələrin yaradılması, nəzərdə tutulmuş konsepsiyaları, ideyaları və fikirləri bölüşmək, körpələr, uşaqlar və ailələr üçün layihələrin təşkilindən danışacaq, onun çıxışı bu mövzuda slayd-şou ilə müşayiət olunmuşdur.
Seminarda "Bənövşə" uşaq xoru (bədii rəhbər Zülfiyyə İbrahimova) musiqi proqramı ilə çıxış etmişdir.
Seminara erkən yaşlardan öz övladlarının musiqi təlimi və tərbiyəsi ilə məşğül olmaq istəyən valideyinlər, musiqi muzeylərinin əməkdaşları və azyaşlıların musiqi təhsili ilə məşğul olan müəllimlər dəvət edilmişdir.
 Tədbirlər
|
