1 iyun 2023
1 İYUN - UŞAQLARIN BEYNƏLXALQ MÜDAFİƏSİ GÜNÜ
1 İYUN - UŞAQLARIN BEYNƏLXALQ MÜDAFİƏSİ GÜNÜ
1950-ci il iyunun 1-də BMT Baş Assambleyasının təşkilatçılığı ilə keçirilən qadınların beynəlxalq konfransında iyunun 1-ni uşaqların müdafiəsinə həsr etmək qərara alınıb. Bundan sonra həmin gün uşaqların müdafiəsi günü kimi tarixə düşmüşdür.
Uşaqlar bizim gələcəyimizdir və ölkənin gələcəyi onların əlindədir. Sağlam və möhkəm gələcək yolunda respublikamızın hər bir təhsil və mədəniyyət müəssisəsi yaxından iştirak edir. Öz fəaliyyətini gənc nəslin əxlaq, mənəvi tərbiyəsi, asudə vaxtlarının səmərəli istifadəsini təmin etmək istiqamətində qurur. Azərbaycan Musiqi Mədəniyyəti Dövlət Muzeyi öz fəaliyyətində uşaqlarla işə böyük diqqətlə yanaşır. Vaxtaşırı olaraq uşaq müəssisələri, musiqi və xoreoqrafiya məktəbləri ilə birgə tədbirlər və konsertlər, "Balacalar üçün muzey" adlı tanıtım, əyləncəli, interaktiv proqramlar təşkil edir.
Bu gün Uşaqların Beynəlxalq Müdafiəsi Gününə həsr olunmuş tədbir R.Babayev adına 25 nömrəli 11 İllik Musiqi Məktəbi ilə birgə təşkil olunmuşdur.
"Musiqili fidanlar" adlı konsertdə məktəbin şagirdləri rəngarəng konsert proqramı ilə çıxış etdilər. Sonda Azərbaycan Musiqi Mədəniyyəti Dövlət Muzeyi tərəfindən gənc istedadlara təşəkkürnamələr təqdim olundu.
 Tədbirlər
|
