16 may 2023
16 may 2023-cü il tarixində Azərbaycan Musiqi Mədəniyyəti Dövlət Muzeyində Bakı şəhər Mədəniyyət Baş İdarəsi Rauf Hacıyev adına 15 nömrəli Onbirillik Musiqi Məktəbinin təşkilatçılığı ilə görkəmli Azərbaycan bəstəkarı, tanınmış ictimai xadim, SSRİ Xalq artisti Rauf Hacıyevin doğum gününə həsr olunmuş konsert keçirilmişdir.
Konsertdən əvvəl görkəmli bəstəkarın Azərbaycan musiqi mədəniyyətinin inkişafında rolu, əvəzsiz xidmətləri haqqında çıxışlar olunmuş, Rauf Hacıyevin həyat və yaradıcılıq yolunu əks etdirən videoçarx nümayiş olunmuşdur.
Konsert proqramında məktəbin müəllim və şagirdləri, xor kollektivi, skripkaçalanlar ansamblının ifalarında Azərbaycan və Qərbi Avropa bəstəkarlarının əsərləri səslənmişdir.
 Tədbirlər
|
|
