17 mart 2023
CANƏLİ ƏKBƏROV - 83
17 mart 2023-cü il tarixində Azərbaycan Musiqi Mədəniyyəti Dövlət Muzeyində "Dünya Azərbaycanlılarının Həmrəyliyinə Dəstək" İctimai Birliyi ilə birgə professor, Xalq artisti, "Şöhrət" və "Şərəf" ordenli xanəndə Canəli Əkbərova həsr olunmuş xatirə gecəsi keçirildi.
Xatirə gecəsində milli muğam sənətinin görkəmli nümayəndəsi Canəli Əkbərovun məşhur ustad sənətkarlarımızın yanında keçdiyi sənət məktəbi, uğurlu yaradıcılıq yolu, milli musiqi mədəniyyətimizin inkişafı və təbliği yolundakı nailiyyətləri haqqında danışıldı, ona həsr olunmuş sənədli filmlərdən fraqmentlər nümayiş olundu. Canəli Əkbərovun sənət dostları, muğam ifaçıları, musiqiçilər, ailə üzvləri sevimli xanəndə ilə bağlı xatirələrini bölüşdü. Bütün çıxışlar Azərbaycan Musiqi Mədəniyyəti Dövlət Muzeyinin zəngin kolleksiyalarından Canəli Əkbərovun həyat və yaradıcılıq yolunu əks etdirən slayd-şou ilə müşayiət olundu.
Tədbir Canəli Əkbərovun tələbələri olan gənc xanəndələrin ifalarında musiqi proqramı ilə davam etdi.
 Tədbirlər
|
