18 sentyabr 2024
MİLLİ MUSİQİ GÜNÜ
18 sentyabr ölkəmizdə Milli Musiqi Günüdür. Hər il olduğu kimi bu il də musiqi bayramı ölkəmizdə geniş və təntənəli şəkildə qeyd edilir.
Azərbaycan Musiqi Mədəniyyəti Dövlət Muzeyi xalqımızı, bütün musiqisevərləri musiqi bayramı münasibətilə təbrik edir.
Səhər saatlarında Azərbaycan Musiqi Mədəniyyəti Dövlət Muzeyinin rəhbərliyi və əməkdaşları, Azərbaycan Respublikası Mədəniyyət Nazirliyinin, Azərbaycan Respublikası Bəstəkarlar İttifaqının və musiqi ictimaiyyətinin nümayəndələri ilə birlikdə Fəxri xiyabanda Üzeyir Hacıbəylinin və digər görkəmli mədəniyyət və incəsənət xadimlərinin məzarlarını ziyarət etmişlər.
18 sentyabr – Milli Musiqi Günü münasibətilə Azərbaycan Musiqi Mədəniyyəti Dövlət Muzeyi silsilə tədbirlər keçirəcəkdir.
Bu gün muzeyimizdə və bütün filiallarımızda Açıq qapı günüdür. Şəhərimizin sakinləri və qonaqlarını muzeylərimizə dəvət olunub. Artıq səhər saatlarından muzeyə ziyarətçi axını başlayıb.
Saat 15:00-da Azərbaycan Musiqi Mədəniyyəti Dövlət Muzeyində Azərbaycan Diplomatik Akademiyası (ADA) ilə birlikdə Milli Musiqi Gününə həsr olunmuş konsert keçiriləcəkdir.
 Ümumi xəbərlər
|
