9 avqust 2023
Zhejiang Conservatory of Music - Çjetszyan Musiqi Konservatoriyasınının (Çin) Akademik tədqiqatları işləri üzrə rəhbəri, professor Sya Yançyou, professor Li Pengcheng və konservatoriyanın kitabxanaçısı Anna Pengcheng Azərbaycan Musiqi Mədəniyyəti Dövlət Muzeyini ziyarət etmişlər. Onlar İpək Yolunun musiqisini öyrənirlər. Azərbaycan Musiqi Mədəniyyəti Dövlət Muzeyinin direktoru, sənətşünaslıq elmləri doktoru, əməkdar mədəniyyət işçisi Alla Bayramova qonaqlara Azərbaycan musiqi mədəniyyəti haqqında danışmış, muzeyin ekspozisiyası üzrə ətraflı ekskursiya aparmışdır. Zhejiang Conservatory of Music kitabxanasına Azərbaycan musiqisinə aid muzey nəşrləri - kitablar, notlar və səs yazıları hədiyyə edilib.
 Ümumi xəbərlər
|
|
