20 avqust 2013
Niyazi Zülfüqar oğlu Tağızadə-Hacıbəyovun anadan olmasının 101-ci ildönümünə həsr olunmuş “Açıq qapı” günü
20 avqust 2013-cü il tarixdə Azərbaycan Musiqi Mədəniyyəti Dövlət Muzeyinin filialı Niyazinin mənzil muzeyində görkəmli Azərbaycan dirijoru və bəstəkarı, SSRİ Xalq artisti, Sosialist Əməyi Qəhrəmanı, Azərbaycan və SSRİ Dövlət mükafatları laureatı, C.Nehru adına Beynəlxalq Mükafat laureatı Niyazi Zülfüqar oğlu Tağızadə-Hacıbəyovun anadan olmasının 101-ci ildönümünə həsr olunmuş “Açıq qapı” günü çərçivəsində tədbir keçirilmişdir.
Hər il oldüğü kimi, bu il də muzeyin kollektivi Fəxri xiyabanda maestronun xatirəsini yad edərək məzarı önünə əklil qoymuş, tər çiçəklər düzmüşlər. Saat 16:00-da isə Niyazinin mənzil muzeyində Maestronun anadan olma gününə həsr olunmuş rəsmi tədbir keçirilmişdir. Tədbiri Niyazinin mənzil muzeyinin müdiri Rza Bayramov açaraq Niyazinin Azərbaycan musiqisində rolu haqqında ətraflı çıxış etmişdir. Sonra muzeyin şöbə müdiri Xanım Abdinova Niyazinin kinomusiqisi haqqında məlumat verdikdən sonra Azərbaycan Musuqu Mədəniyyəti Dövlət Muzeyinin fondlarında saxlanılan Niyazinin bəstəkarı olduğu “Kəndlilər” filmi və Niyazinin konsert fəaliyyətini əks etdirən video tamaşaçılara nümayiş olunmuşdur.
Çıxışlar Niyazıinin həyat və yaradıcılığını əks etdirən fotolardan ibarət slayd-şou ilə müşaiyət olunmuşdur. Daha sonra BMA-nın professoru, Əməkdar İncəsət xadimi, pianoçu Ülviyyə Hacıbəyova Niyazinin əsərlərini ifa etmişdir.
Tədbirdə müsiqişünaslar, musiqiçilər, muzey işçiləri və mediya nümayəndələri iştirak etmişdir. Tədbir kütləvi-informasiya vasitələrində ətraflı işıqlandırılmışdır.
 Tədbirlər
|
