7 avqust 2013
“Arşın mal alan” müxtəlif təfsirlərdə
Bu il Üzeyir Hacıbəylinin “Arşın mal alan” musiqili komediyasının 100 illiyi qeyd olunur. Bu münasibətlə 7 avqust 2013 – cü il tarixdə Azərbaycan Musiqi Mədəniyyəti Dövlət Muzeyinin Klassik Musiqi Həvəskarları Klubunda növbəti tədbir “Arşın mal alan” müxtəlif təfsirlərdə” mövzusuna həsr olunmuşdur. Tədbirdə Azərbaycan Musiqi Mədəniyyəti Dövlət Muzeyinin direktoru Alla Bayramovanın giriş sözündən sonra muzeyin şöbə müdiri Xanım Abdinova “Arşın mal alan” musiqili komediyası , müxtəlif illərdə müxtəlif ölkələrdə çəkilmiş “Arşın mal alan” kinofilmləri haqqında, Niyazinin bu filmlərdən ən uğurlu variantındakı musiqi tərtibatı haqqında ətraflı məlumat vermişdir.
Daha sonra bu filmlərdən fraqmentlər təqdim edilmiş, muzeyin fondlarında saxlanılan materiallardan ibarət slayd-şou nümayiş olunmuşdur. Gənc pianoçu, VI Qəbələ Musiqi festivalının iştirakçısı Nazxanım Dadaşovanın ifası tədbir iştirakçılarının böyük marağına səbəb olmuşdur.
Tədbirdə Klassik Musiqi Həvəskarları Klubunun üzvləri, musiqi ictimaiyyəti, muzey əməkdaşları, KİV nümayəndələri iştirak etmişdir.
 Tədbirlər
|
