15 iyul 2022
“ŞUŞA MUSİQİÇİLƏRİ”
Azərbaycan Respublikasının Prezidenti cənab İlham Əliyevin 2022-ci ilin Azərbaycan Respublikasında “Şuşa ili” elan edilməsi haqqında sərəncamına əsasən Azərbaycan Musiqi Mədəniyyəti Dövlət Muzeyi Azərbaycanın musiqi beşiyi, musiqi məbədi olan Şuşanın musiqiçiləri haqqında “Şuşa musiqiçiləri” rubrikasına davam edir.
Bu gün Qarabağ xanəndəlik məktəbinin görkəmli nümayəndəsi, musiqi xadimi, pedaqoq, Azərbaycanın Xalq artisti, Əməkdar müəllim Seyid İbrahim oğlu Şuşinski (12 aprel 1889, Horadiz, Şuşa qəzası – 1 noyabr 1965, Bakı) haqqında qısa məlumatı və muzey kolleksiyasından xanəndəyə aid bəzi materialları təqdim edirik.
Seyid Şuşinski 1907-ci ildə Şuşada Mir Möhsün Nəvvabın musiqi məktəbində təhsil almışdır, onun xanəndə kimi yetişməsində Cabbar Qaryağdıoğlunun böyük rolu olmuşdur. Seyid Şuşinski “Çahargah”, «Mahur», «Nəva», «Məsnəvi», «Osmanı», «Arazbarı», «Heyratı» kimi muğamların gözəl ifaçısı idi. Cabbar Qaryağdıoğlu onu «Şərq musiqisinin incisi» adlandırıb. S.Şuşinskinin görkəmli bəstəkar Fikrət Əmirovun ilk dəfə yaratdığı və dünyada şöhrət qazandığı «Şur» və «Kürdi-Ovşarı» simfonik muğamlarının yazılmasında məsləhətçi kimi böyük köməyi olmuşdu.
 Şuşa musiqiçiləri
|
