4 iyul 2022
Azərbaycan Musiqi Mədəniyyəti Dövlət Muzeyi və filialları maraqlı eksponatlarla, musiqi mədəniyyətimizi əks etdirən materiallarla zəngindir. Muzeyimizi məktəblilər, tələbələrlə yanaşı turistlər də ziyarət edirlər.
Bu günlərdə muzeylərimizdə olmuş bəzi ziyarətçilərimizlə sizi tanış etmək istəyirik.
Rusiyanın Xantı-Mansiysk Muxtar Dairəsi - Surqut şəhərindən olan turistlər (27.06.2022), Bakı məktəbliləri (28.06.2022), “DOST İnklüziv İnkişaf və Yaradıcılıq Mərkəzi”nin işçiləri (02.07.2022), Türkiyənin Ankara şəhərindən və Səudiyyə Ərəbistanından (03.06.2022) Azərbaycan Musiqi Mədəniyyəti Dövlət Muzeyində ölkəmizin musiqi tarixini özündə geniş əks etdirən əşyalar, “Şuşa musiqiçiləri” sərgisinin eksponatları ilə tanış olmuş və hədsiz maraqla qarşılamışlar. Bunu ziyarətçilərin muzeyin rəy kitabına yazdıqları qeydlərdə görmək olar.
“ASAN Könüllüləri”(30.06.2022), 34 saylı Uşaq Musiqi Məktəbinin şagirdləri (01.07.2022) muzeyin filialı olan Qara Qarayevin Ev Muzeyində görkəmli bəstəkar Qara Qarayevin həyatı və zəngin yaradıcılıq yolu haqqında ətraflı məlumat almış, bəstəkarın əsərlərindən fraqmentlər dinləmək imkanı əldə etmişlər.
 Tədbirlərə
|
|
