9 iyun 2022
GƏLƏCƏYİMİZİ QORUYAQ
Məlum olduğu kimi 26 iyun - Narkomaniyaya və Narkobiznesə qarşı Beynəlxalq Mübarizə Günüdür. Azərbaycan Musiqi Mədəniyyəti Dövlət Muzeyi mütəmadi olaraq gənclərin, Bakı şəhər məktəblilərinin və tələbələrinin muzeyə gəlişi, maarifləndirilməsi, sağlam həyat tərzinin təbliği məqsədilə silsilə tədbirlər keçirir.
9 iyun 2022-ci il tarixində Böyük Qayıdış Gənclər Təşkilatının üzvləri Azərbaycan Musiqi Mədəniyyəti Dövlət Muzeyinin filialı olan Niyazinin Mənzil Muzeyində qonaq olmuşlar.
Niyazi Mənzil Muzeyinin müdiri, Əməkdar məıdəniyyət işçisi Rza Bayramov qonaqları salamlamışdır. Daha sonra muzeyin şöbə müdiri Xanım Abdinova gənclərə görkəmli dirijor və bəstəkar Niyazinin həyatı və zəngin yaradıcılığı haqqında ətraflı məlumat vermiş, maestronun yaradıcılıq yolunu əks etdirən videokadrlar nümayiş olunmuşdur. Görüş zamanı həmçinin dövrün aktual problemi olan narkomaniyaya qarşı aparılan maariflənmə və profilaktik mübarizə tədbirlərindən, "ağ ölüm"ün fəsadları, psixotrop maddələrin mənfi təsirləri, o cümlədən mədəni istirahətin, asudə vaxtdan səmərəli istifadə olunmasının, təhsilin əhəmiyyəti, maariflənmənin, mütaliənin üstünlükləri barədə danışılmış, fikir mübadiləsi aparılmış, səmimi söhbət əsnasında gənclərin sualları cavablandırılmışdır.
 Tədbirlər
|
