20 aprel 2022
MUNİS ŞƏRİFOV - 60
19 aprel 2022-ci il tarixində Beynəlxalq Muğam Mərkəzində Azərbaycan Musiqi Mədəniyyəti Dövlət Muzeyinin Qədim Musiqi Alətləri Ansamblının bədii rəhbəri, konsertmeysteri, Xalq artisti Munis Şərifovun 60 illik yubileyi keçirilmişdir.
Tədbirdə Azərbaycan Musiqi Mədəniyyəti Dövlət Muzeyinin direktoru, sənətşünaslıq elmləri doktoru, Əməkdar mədəniyyət işçisi Alla Bayramova təbrik nitqi ilə çıxış etmiş, Fəxri Fərman təqdim etmişdir. Muzeyin Qədim Musiqi Alətləri Ansamblı və digər musiqiçilərin ifasında rəngarəng konsert proqramı səslənmişdir.
Həmçinin muzey Həmkarlar İttifaqı Komitəsinin təqdimatı əsasında Azərbaycan Mədəniyyət İşçiləri Həmkarlar İttifaqı Respublika Komitəsinin qərarı ilə Munis Şərifov Fəxri Fərman və pul mükafatına layiq görülmüşdür. Mükafatları RK sədri Cəmilə xanım Səttarova adından muzey HİK sədri Rza Bayramov təqdim etmişdir.
 Tədbirlər
|
