3 aprel 2022
Bazar günü, aprelin 3-də Azərbaycan Musiqi Mədəniyyəti Dövlət Muzeyi Tacikistandan qonaqları qəbul etmişdir. Tacikistan Respublikasının Azərbaycan Respublikasındakı və Gürcüstandakı səfiri cənab Rustam Soli, həyat yoldaşı Mühəbbət xanım və məşhur tacik alimi Munira xanım Şohidi Muzeyin ekspozisiyası və onun filialı olan Qara Qarayevin Ev Muzeyi ilə tanış olmuşlar. Qeyd edək ki, Munira Şohidi - Qara Qarayevlə dostluq münasibətləri olan görkəmli tacik bəstəkarı, Tacikistan Respublikasının Xalq artisti, iki opera, "Makomlar simfoniyası" , çoxsaylı mahnıların müəllifi Ziyodullo Şahidinin (1914-1985) qızıdır. Qonaqlara muzeyin nəşr etdirdiyi kitablar, notlar, disklər hədiyyə edilmişdir. Həmçinin onların qarşısında muzeyin Qədim Musiqi Alətləri Ansamblının musiqiçiləri çıxış etmişlər.
 Tədbirlər
|
|
