11 fevral 2022
Azərbaycan musiqi mədəniyyətini təbliğ etmək məqsədilə Azərbaycan Musiqi Mədəniyyəti Dövlət Muzeyi “Deloitte & Touche” Məhdud Məsuliyyətli Auditor Cəmiyyəti Şirkətinin əməkdaşları üçün Zoom proqramı vasitəsi ilə konsert-mühazirə keçirmişdir. Muzeyin direktor müavini Təranə Zeynalova Azərbaycan Musiqi Mədəniyyəti Dövlət Muzeyi, onun filialları, muzeyin nəzdində fəaliyyət göstərən Qədim Musiqi Alətləri Ansamblı (Bədii rəhbər – Xalq artisti Munis Şərifov) və xüsusilə çəng musiqi aləti haqqında məlumat vermişdir. Təranə Zeynalovanın çıxışı muzey eksponatlarını və onun filiallarını əks etdirən slayd-şou ilə müşayiət olunmuşdur. Mühazirənin sonunda Qədim Musiqi Alətləri Ansamblının (Bədii rəhbər – Xalq artisti Munis Şərifov) ifasında “Bayatı-Şiraz” rənginin və Əməkdar artist Fəzilə Rəhimovanın ifasında “Sarı gəlin” xalq mahnısının video görüntüsü təqdim edilmişdir.
 Tədbirlər
|
|
