5 oktyabr 2021
BƏSTƏKAR XƏYYAM MİRZƏZADƏNİN AD GÜNÜ
Bu gün görkəmli Azərbaycan bəstəkarı, Xalq Artisi, professor Xəyyam Mirzəzadənin (1935-2018) ad günüdür. 1957-ci ildə Qara Qarayevin sinifini bitirən Xəyyam müəllim uzun illər Ü.Hacıbəyli adına Bakı Musiqi Akademiyasının Bəstəkarlıq kafedrasında dərs deyərək, milli kadrların yetişməsində böyük rol oynamışdır. Musiqinin bir cox janrlarında yaratdığı maraqlı əsərləri Avstriya, İngiltərə, Macarıstan, Hollandiya, Almaniya, İtaliya, Fransa və s. ölkələrdə ifa olunub. Xəyyam Mizəzadənin ünsiyyətdə olduğu sənət xadimləri içərisində rəssamların xüsusi çəkisi vardır. Azərbaycan Musiqi Mədəniyyəti Dövlət Muzeyinin fondlarında rəssamlar Mikayıl Abdullayev, Elbəy Rzaquliyev, Qüdrət Məmmədov, İsmayıl Məmmədov və digərlərinin Xəyyam Mirzəzadəyə həsr elədikləri dostluq şarjlarının surətləri saxlanılır. Onlardan bir qismini sizlərə təqdim edirik.
 Ümumi xəbərlər
|
