28 may 2021
Respublika Günü
27 may 2021-ci il tarixində saat 15:00-da Azərbaycan Musiqi Mədəniyyəti Dövlət Muzeyində 28 May Respublika Gününə həsr olunmuş tədbir keçirilmişdir.
Tədbirdə giriş sözü ilə muzeyin direktoru sənətşünaslıq üzrə fəlsəfə doktoru , Əməkdar mədəniyyət işçisi Alla Bayramova çıxış edərək 28 may Respublika Günü münasibətilə hamını təbrik etdi və Azərbaycanın Polşa Respublikasındakı səlahiyyətli və fövqəladə səfiri Nərgiz Qurbanovanın muzeyə göndərdiyi təbrikini oxudu. Muzeyin elmi işçisi Əzirə Abdullayeva “Azərbaycan Xalq Cümhuriyyəti dövründə mədəniyyət” mövzusunda çıxış etmişdir. Mövzu ilə əlaqədar muzeyin zəngin kolleksiyaları əsasında hazırlanmış slayd-şou nümayiş olunmuşdur. Muzeyin Qədim Musiqi Alətləri Ansamblı (bədii rəhbər və konsertmeyster, Xalq artisti Munis Şərifov) konsert proqramı ilə çıxış etmişdir. Ansamblın solisti, Əməkdar artist Nuriyyə Hüseynova Üzeyir Hacıbəylinin Əhməd Cavadın sözlərinə yazdığı “Çırpınırdı Qara dəniz”, “Qaragöz”, Xan Şuşinskinin “Şuşanın dağları” mahnılarını ifa etmişdir.
 Tədbirlər
|
