7 may 2021
7 may 2021-ci il tarixində Ümummilli lider Heydər Əliyevin doğum günü Azərbaycan Musiqi Mədəniyyəti Dövlət Muzeyində qeyd olundu.
Tədbirdə muzeyin direktoru, sənətşünaslıq üzrə fəlsəfə doktoru, Əməkdar mədəniyyət işçisi Alla Bayramova “Milli Mədəniyyətimizin Himayədarı” mövzusunda çıxış etdi. Onun çıxışı muzeyin zəngin kolleksiyaları əsasında hazırlanmış “Heydər Əliyev və mədəniyyətimiz” slayd-şou ilə müşayiət olundu.
Sonra muzeyin filiali olan Niyazi mənzil muzeyinin müdiri, Həmkarlar İttifaqı Komitəsinin sədri Rza Bayramov çıxış edərək, böyük qürur və sevinc hissi ilə Azərbaycan Respublikasının Prezidenti Cənab İlham Əliyevin Şuşanın Azərbaycanın mədəniyyət paytaxtı edilməsi haqqında 7 may 2021-ci il tarixli sərəncamının mətnini tədbir iştirakçılarına çatdırdı.
Muzeyin Qədim Musiqi Alətləri Ansamblı konsert proqramı ilə çıxış etdi, “Heydər Əliyev və Azərbaycan Mədəniyyətinin hamısı” sənədli filmi nümayiş olundu.
 Tədbirlər
|
|
