12 fevral 2021
Bəhram Mansurov - 110 (12.02.1911– 14.05.1985)
Görkəmli Azərbaycan tarzəni, Xalq artisti(1978) Bəhram Mansurov 1911-ci il fevralın 12-də Bakıda, İçərişəhərdə musiqiçi ailəsində anadan olmuşdur. 1929-cu ildən Azərbaycan Dövlət Şərq Orkestrində, sonralar Azərbaycan Radiosu Xalq Çalğı Alətləri Orkestrində fəaliyyət göstərmiş, Azərbaycan Dövlət Filarmoniyasını solisti olmuş, C.Qaryağdı oğlu, H.Sarabski, S.Şuşinski kimi müğənniləri müşayiət etmişdir. Bəhram Mansurovun ifasında “Çahargah” (1970) və “Rast” (1978) muğamları nota salınmış, “Bayatı-Şiraz”, “Humayun”, “Şur”, “Bayatı-kürd”, “Çahargah” və s. muğamları ilk dəfə YUNESKO xətti ilə qrammofon valına yazılmışdır.
Azərbaycan Musiqi Mədəniyyəti Dövlət Muzeyinin zəngin kolleksiyalarından sizə “Bəhram Mənsurov 110” virtual sərgisini təqdim edirik.
 Ümumi xəbərlər
|
