16 dekabr 2011
Vaqif Mustafazadənin anım gününə həsr olunmuş tədbir
Görkəmli pianoçu, bəstəkar, caz-muğam janrının banisi Azərbaycanın əməkdar artisti və əməkdar incəsənət xadimi Vaqif Mustafazadənin anım gününə həsr olunmuş tədbir keçirilmişdir.
Tədbir 16 dekabr 2011-ci il tarixində saat 16-da Azərbaycan Musiqi Mədəniyyət filialı olan Vaqif Mustafazadənin mənzil muzeyində təşkil edilmişdir.
Giriş sözü ilə tədbirdə filialın müdiri, V.Mustafazadə Fondunun sədri Afaq Əliyeva çıxış etdi.
Tədbirdə Vaqif Mustafazadənin, Faiq Sücəddinovun, Emin Sabitoğlunun və xalq musiqilərimizlə yanaşı, xarici bəstəkarlardan da Ş.Debüssinin əsərləri ifa olundu. Musiqi nömrələrini isə Faiq Sücəddinov, Vaqif Mustafazadənin yaxın dostu Alik Nazarov, caz ifaçısı Emil Məmmədov və Kökəb Səfərəliyeva adına 16 nöm.musiqi məktəbinin şagirdi Heydər Məmmədov təqdim etdilər.
Tədbirin qonaqları sırasında musiqiçilər Rafiq Seyidzadə, Natavan Şeyxova, Faiq Sücəddinov, Eyyub Yaqubov, Vaqif Mustafazadənin ailə üzvləri, mətbuat və televiziya nümayəndələri iştirak etdilər.
 Tədbirlər
|
