24 noyabr 2011
Fransız dirijoru və bəstəkarı Loran Pötijirarla görüş
Azərbaycan Musiqi Mədəniyyəti Dövlət Muzeyinin filialı olan Niyazinin mənzil muzeyində 24 noyabr 2011-ci il tarixdə görkəmli fransız dirijoru və bəstəkarı Loran Pötijirarla (Laurent Petitgirard) ilə görüş keçirilmişdir.
Tədbiri giriş sözü ilə muzeyin direktoru, sənətşünaslıq namizədi, əməkdar mədəniyyət işçisi Alla Bayramova açdı. Sonra söz tanınmış fransız dirijoru və bəstəkarı Loran Pötijirara verdi. Loran PPötijirar öz yaradıcılığı haqqında tədbirə gələnlərə ətraflı məlumat verdi. Tədbirdə bəstəkarın opera əsərlərindən ariyalar video görüntülərlə səsləndirildi.
Tədbiri sonunda Loran Pötijirar əsərlərinin partituralarını, klavirlərini və CD-ni muzeyə hədiyyə etdi.
Muzeyin direktoru Alla Bayramova muzeyin“Qara Qarayev. Həyat və yaradıcılığı Azərbaycan Musiqi Mədəniyyəti Dövlət Muzeyinin materiallarında” kitabını, Niyazinin fortepiano pyeslərinin not kitabını Loran Pötijirara hədiyyə etdi.
Tədbirdə muzeyin əməkaşları, bəstəkarlardan Elnarə Dadaşova, Rüfət Xəlilov, Məmmədağa Umudov, pianoçu Murad Hüseynov və kütləvi informasiya vasitələrinin nümayəndələri iştirak etmişlər.
 Tədbirlər
|
