7 aprel 2020
XATİRƏ. Hacı Xanməmmədov
Bu gün görkəmli bəstəkar, Azərbaycan Respublikasının Xalq artisti, professor, “Şöhrət”ordenli sənətkar Hacı Xanməmmədovun (15.06.1918-7.04.2005) vəfatından 15 il keçir.
Milli musiqi sənətimizin inkişafında misilsiz xidmətləri olmuş dahi Üzeyir Hacıbəyli görkəmli pedaqoq kimi bir çox sənətkarların yetişməsində mühüm rol oynayıb. Böyük bəstəkar və müəllimin yetirmələrindən biri də bu gün xatirəsini andığımız Hacı Xanməmmədovdur.
Hacı Xanməmmədov 60 ildən artıq yaradıcılıq dövründə musiqi sənətinin bir çox janrlarında parlaq əsərlərin müəllifi olmuşdur. O, Kamança və simfonik orkestr üçün Konsert, Tar və simfonik orkestr üçün 5 Konsert, iki musiqili komediya, xalq çalğı alətləri üçün “Simfoniyetta”, “Azərbaycan eskizləri”, “Bayram”, “Azərbaycan” süitaları, bir-birindən təravətli 150-dən çox mahnısı ilə musiqi xəzinəmizi zənginləşdirmişdir.
Sizə Azərbaycan Musiqi Mədəniyyəti Dövlət Muzeyinin zəngin kolleksiyalarından Hacı Xanməmmədovun fotoşəkillərini təqdim edirik.
 Tədbirlər
|
