12 dekabr 2019
Azərbaycan xalqının Ümummilli lideri Heydər Əliyevin vəfatının 16-cı ildönümü
Görkəmli siyasi və dövlət xadim, Azərbaycan xalqının Ümummilli lideri Heydər Əliyevin vəfatının 16-cı ildönümü münasibətilə 12 dekabr 2019-cu il tarixində Azərbaycan Musiqi Mədəniyyəti Dövlət Muzeyində Azərbaycan Dövlət Teatr Muzeyi ilə birgə anım tədbiri keçirilmişdir.
Tədbirdə Azərbaycan Musiqi Mədəniyyəti Dövlət Muzeyinin direktoru, sənətşünaslıq üzrə fəlsəfə doktoru, Əməkdar mədəniyyət işçisi Alla Bayramova ulu öndər Heydər Əliyevin xatirəsini həmişə əziz tutulduğunu qeyd etmiş, “Heydər Əliyev-Azərbaycan xalqının lideri” mövzusunda çıxış etmişdir.
Tədbir Ümummilli lider Heydər Əliyevin həyatından, ölkəmizin quruculuq və inkişafı istiqamətində gördüyü misilsiz işlərdən bəhs edən şair-dramaturq İftixar Piriyevin müəllifi olduğu “Müstəqil Vətənin Memarı” poeması əsasında hazırlanmış sənədli-bədii televiziya filminin nümayişi ilə davam etmişdir.
 Tədbirlər
|
