15 iyun 2019
Adilə Əliyeva ilə görüş
15 iyun 2019-cu il tarixində Azərbaycan Musiqi Mədəniyyəti Dövlət Muzeyində Avropada yaşayan dünya şöhrətli pianoçu, professor, Azərbaycan Respublikasının Əməkdar artisti, adına Pianoçuların Beynəlxalq Müsabiqəsi olan Adilə Əliyeva ilə görüş keçirilmişdir.
Adilə Əliyeva Fransanın Annamesse şəhərində yaşayır. O, 50-dən çox ölkənin konsert salonlarında çıxış etmişdir. Dünya klassikləri ilə yanaşı Azərbaycan bəstəkarlardan Qara Qarayev, Cövdət Hacıyev, Tofiq Quliyev, Arif Məlikov, Vaqif Mustafazadə, Oqtay Rəcəbov və başqalarının əsərlərini ifa edir.
O, 2001-ci ildən Fransa Beynəlxalq Musiqi Akademiyasının direktoru kimi faəliyyət göstərir, eyni zamanda orada pianodan dərs deyir. 1996-cı ildən Fransada hər iki ildən bir adına “Adilə Əliyeva adına pianoçuların beynəlxalq müsabiqəsi”. keçirilir.
Adilə Əliyeva vətənə növbəti səfəri zamanı Azərbaycan Musiqi Mədəniyyəti Dövlət Muzeyində Bakı şəhəri musiqi məktəblərinin müəllim və şagirdlərinin görüşünə gəlmişdir. Tədbirdə Qərbi Avropa və Azərbaycan bəstəkarlarının əsərlərini ifa etmiş, görüş iştirakçılarının suallarını cavablandırmışdır.
 Tədbirlər
|
