3 yanvar 2019
2019-cu ilin ilk günündə muzeyə daxil olmuş yeni materiallar!
2019-cu ilin ilk iş günündə Azərbaycan Musiqi Mədəniyyəti Dövlət Muzeyinə görkəmli Azərbaycan pianoçusu, Xalq artisti Çingiz Sadıxovun (1929-2017) qiymətli arxiv materialları hədiyyə edilmişdir. Materialları Çingiz müəllimin həyat yoldaşı Ceyran xanım ABŞ-dan gətirmişdir. Qeyd etmək lazımdır ki, Sadıxovlar ailəsi artıq 25 ildir ki, ABŞ-da yaşayırlar. Hədiyyə olunmuş materiallar arasında pianoçunun “Şöhrət” ordeni və Azərbaycanın xalq artisti medalı, fotolar, ABŞ prezidenti Bill Klintonun məktubu və bir çox başqa materialları göstərmək olar. Cəmi – 51 vahid.
Xatırladaq ki, bir il əvvəl Ceyran xanım Çingiz Sadıxov arxivinin bir hissəsini artıq muzeyə hədiyyə etmişdir (103 v.)
 Tədbirlər
|
