1 iyun 2011
1 iyun – Uşaqların Beynəlxalq Müdafiə Günü
Azərbaycan Musiqi Mədəniyyəti Dövlət Muzeyinin Klassik Musiqisevənlər Klubunda Bülbül adına orta ixtisas musiqi məktəbi ilə birlikdə 1 iyun Uşaqların Beynəlxalq Müdafiə gününə həsr olunmuş tədbir keçirilmişdir.
Giriş sözü ilə Azərbaycan Musiqi Mədəniyyəti Dövlət Muzeyinin direktoru, sənətşünaslıq namizədi, əməkdar mədəniyyət işçisi Alla Bayramova çıxış etmişdir. Sonra söz tədbirin aparıcısı musiqişünas, Bakı Musiqi Akademiyasının dosenti Səadət Səttarovaya verilmişdir.
Konsertdə V.A.Motsartın, T. Bakıxanovun, Niyazinin,
F. Şopenin, B. Nəsibovun, R. Lovlandın, Q.Dinikunun, F. Listin və s. bəstəkarlarının əsərlərindən nümunələr Nərminə İsmayılovanın, Mehdi Eyyubovun, Atabəy İsmayılovun, Aynur Abdullayevanın, Şəmsi Əbilinin, Nəriman Əmiraslanovun, Ceyla Seyidovanın, Vurğun Vəkilovun, Tamilla Əhədovanın və Fatimə Cəfərzadənin ifasında təqdim edilmişdir.
Tədbirdə Bakı muzeylərinin əməkdaşları, Klassik Musiqisevənlər Klubunun üzvləri və mətbuat nümayəndələri iştirak etmişlər.
 Tədbirlər
|
