16 dekabr 2016
Vaqif Mustafazadənin anım günü
1979-cu ildə biz zamanın ən böyük musiqiçisi, görkəmli bəstəkar, pianoçu, Caz-muğamın əsasını qoyan, Azərbaycanın əməkdar artisti, Dövlət mükafatı laureatı Vaqif Mustafazadəni itirdik. Hər il Vaqif Mustafazadənin ev muzeyində dahi musiqiçinin anım günü keçirilir.
Giriş sözü ilə Azərbaycan Dövlət Musiqi Mədəniyyəti Muzeyinin direktoru, əməkdar mədəniyyət xadimi, sənətşünaslıq elmləri doktoru Alla Bayramova çıxış etdi. Sonra muzeyin filialının direktoru Afaq Əliyeva Vaqif haqda xatirələrini danışdı. Tədbirdə Azərbaycanın mədəniyyət və incəsənət xadimləri – Akif Süleymanbəyli, Cahangir Səlimxanov, Nigar Axundova, Tamilla Bağırova, Rafiq Seyidzadə, Natavan Şeyxova, Rza Bayramov və başqaları iştirak edirdilər.
Asəf Zeynallı adına musiqi məktəbinin tələbələri çıxış etdilər. Vaqif Mustafazadənin “Mart”, Əzizə Mustafazadənin “Bumeranq”, Ələkbər Tağıyevin “Bakı gecələri”əsərləri Vaqif Mustafazadənin aranjimanında ifa olundu. “Lider” və “CBS” telekompaniyaları tədbirin videoçəkilişini apardılar.
 Tədbirlər
|
