3 iyun 2015
Frederik Şopenə həsr olunmuş tədbir
3 iyun 2015-ci il tarixində, saat 18:00-da Azərbaycan Musiqi Mədəniyyəti Dövlət Muzeyinin filialı olan Niyazinin mənzil muzeyində, Klassik Musiqi Həvəskarları Klubunda dahi bəstəkar və pianoçu Frederik Şopenə həsr olunmuş tədbir keçirilmişdir.
Tədbiri giriş sözü ilə Azərbaycan Musiqi Mədəniyyəti Dövlət Muzeyinin direktoru, sənətşünaslıq üzrə fəlsəfə doktoru, Əməkdar mədəniyyət işçisi Alla Bayramova açmışdır. Daha sonra Yelena Boqoyevskaya F.Şopenin yaradıcılığı haqqında məruzə etmişdir. Bütün çıxışlar Frederik Şopenə həsr olunmuş slayd-şou ilə müşayiət olunmuşdur. Tədbir Bakı Musiqi Akademiyasının professorları Ülviyyə Hacıbəyova, Leyla Məmmədəliyeva, Azərbaycan Respublikasının Əməkdar artisti Nərgiz Kərimova, Yelena Boqoyevskaya, Bülbül adına Orta İxtisas Musiqi Məktəbinin, L.və M.Rostropoviçlər adına 21¹-li musiqi məktəbinin şagirdlərinin ifalarında F.Şopenin əsərlərindən ibarət konsert proqramı ilə davam etmişdir.
Tədbirin qonaqları musiqi ictimaiyyəti, Klassik Musiqi Həvəskarları klubunun üzvləri, musiqi məktəblərinin müəllim və şagirdləri, Bakı muzeylərinin əməkdaşları, KİV nümayəndələri və başqaları olmuşlar.
 Tədbirlər
|
