16 dekabr 2014
Vaqif Mustafazadənin anım gününə həsr olunmuş tədbir
16 dekabr 2014-cü il tarixində Azərbaycan Musiqi Mədəniyyət filialı olan Vaqif Mustafazadənin ev-muzeyində görkəmli pianoçu, bəstəkar, caz-muğamın banisi Azərbaycanın əməkdar artisti və əməkdar incəsənət xadimi Vaqif Mustafazadənin anım gününə həsr olunmuş tədbir keçirilmişdir.
Giriş sözü ilə tədbirdə Musiqi Mədəniyyəti Dövlət Muzeyinin direktoru sənətşünaslıq üzrə fəlsəfə doktoru, əməkdar mədəniyyət işçisi Alla Bayramova açdı. Sonra filialın müdiri, V.Mustafazadə adına Xeyriyyə Fondunun sədri Afaq Əliyeva çıxış etdi. Musiqişünas və tədqiqatcı Turan Məmmədəliyeva çıxış etdi. O, Vaqif Mustafazadənin həyat və yaradıcılığı haqqında danışmışdır. Qonaqların arasında tanınmış musiqiçilər, incəsənət xadimləri və BMA-nın tələbələri var idi. Tədbirdə gözəl əsərlər ifa olunub. Gənc bəstəkar, pianoçu Etibar Əsədli V.Mustafazadənin əsərlərini ifa edib. BMA-nın 3–cü kurs tələbəsi Etibar Ərdəbilli "Düşüncə" ,"Mart", "Gəlmədi", Asəf Zeynallı adına musiqi kollecinin 2-ci kurs tələbəsi Quliyeva Nigar "Mart" əsərlərini çox böyük məharətlə ifa etdilər.
Tədbirin qonaqları musiqi ictimaiyyəti, məşhur caz musiqiçiləri, Bakı muzeylərinin əməkdaşları, KİV-nin nümayəndələri və başqaları olmuşlar.
 Tədbirlər
|
