4 dekabr 2014
İsmayıl Hacıbəyov - 65
4 dekabr 2014-cü il tarixində Azərbaycan Musiqi Mədəniyyəti Dövlət Muzeyinin filialı olan Niyazinin mənzil muzeyində görkəmli bəstəkar, əməkdar incəsənət xadimi İsmayıl Hacıbəyovun anadan olmasının 65 illiyinə həsr olunmuş tədbir keçirilmişdir.
Tədbiri giriş sözü ilə Ismayil Hacıbəyovun ömür-gün yoldaşı, Bakı Musiqi Akademiyasının professoru, Əməkdar incəsənət xadimi Ülviyyə Hacıbəyova açmış, bəstəkar haqqında xatirələrini tədbir iştirakçılarına söyləmişdir.
Tədbir Bakı Musiqi Akademiyasının tələbələrinin ifalarında görkəmli Azərbaycan bəstəkarlarının əsərlərindən ibarət konsert proqramı ilə davam etmişdir. Bütün çıxışlar İsmayıl Hacıbəyovun həyat və yaradıcılığını əks etdirən muzey materialları əsasında hazırlanmış slayd-şou ilə müşayiət olunmuşdur.
Tədbirin qonaqları musiqi ictimaiyyəti, Bakı Musiqi Akademiyasının müəllim və tələbə heyəti, Bakı muzeylərinin əməkdaşları, Klassik Musiqi Həvəskarları klubunun üzvləri, KİV nümayəndələri və başqaları olmuşlar.
 Tədbirlər
|
