3 fevral 2010
Qara Qarayevin anadan olması münasibətilə tədbiri
Klassik Musiqisevənlər Klubunun 3 fevral 2010-cu il tarixindəki tədbiri Qara Qarayevin anadan olması münasibətilə keçirilmişdir. Tədbiri giriş sözü ilə muzeyin direktoru, sənətşünaslıq namizədi, əməkdar mədəniyyət işçisi Alla Bayramova açaraq, Moskvadan Azərbaycana gətirilmlş Qara Qarayevin arxivi barədə məlumat vermiş, sonra Azərbaycan Respublikasının xalq artisti, bəstəkar Musa Mirzəyev, Muğam Teatrının direktoru, xalq artisti Arif Qazıyev, əməkdar incəsənət xadimi Asya Sultanova çıxış edərək Qara Qarayev haqqında xatirələrini söyləmişlər. Tədbirdə xalq artisti Musa Mirzəyev, əməkdar incəsənət xadimi Ülviyyə Hacıbəyova, Opera və Balet Teatrının solistləri, əməkdar artist Gülnaz İsmayılova, Səbinə Əsədova, Azərbaycan Respublikasının əməkdar artisti, Beynəlxalq Müsabiqələr Laureatı, Fransa Dövlətinin mükafatçısı Mürad Hüseynov, həmçinin 12 saylı Uşaq Musiqi Məktəbinin şagirdləri konsert proqramı ilə çıxış etmişlər.
 Tədbirlər
|
