24 aprel 2014
Vilyam Sekspirin 450 illiyi
24 aprel 2014-cü il tarixində, saat 15:00-da Qərb Universiteti Azərbaycan Musiqi Mədəniyyəti Dövlət Muzeyi ilə birgə dahi ingilis şairi və dramaturqu anadan olmasının Vilyam Şekspirin 450-illiyinə həsr olunmuş tədbir keçirmişdir.
Tədbirin təşkilatçısı və bədii rəhbəri Azərbaycan Musiqi Mədəniyyəti Dövlət Muzeyinin direktoru, sənətşünaslıq üzrə fəlsəfə doktoru, əməkdar mədəniyyət işçisi, Qərb Universitetinin ingilis filologiyası kafedrasının müdiri Alla Bayramova olmuşdur.
Tədbirin açılışı Qara Qarayevin "IV Henri" dramına yazdığı musiqi sədaları altında olmuşdur. Sonra Qərb Universitetinin tələbələrinin ifasında V. Şeksprin sonetləri və pyeslərindən fraqmentlər teatrlaşdırılmış şəkildə tamaşaçılara təqdim olunmuşdur. Tədbirdə Beynəlxalq Müsabiqələr laureatı Aleksandra Vıdrya iştirak etmişdir.
Tədbirin qonaqları Britaniya Şurasının Azərbaycandakı Konsulluğunun direktoru Elizabet Vayt, C.Cabbarlının ev muzeyinin direktoru Qəmər Bağırova, Qərb Universitetinin rektoru,dosent Zemfira Məmmədova, universitetinin professor, müəllim və tələbə heyəti, Azərbaycan Musiqi Mədəniyyəti Dövlət Muzeyinin əməkdaşları olmuşlar.
 Tədbirlər
|
