13 yanvar 2010
Teymur Göyçayevlə görüş
Klassik Musiqisevənlər Klubunun 13 yanvar 2010-cu il tarixində klub üzvlərinin arzusu nəzərə alınaraq Respublikanın xalq artisti, Qara Qarayev adına Azərbaycan Dövlət Kamera Orkestrinin, Dövlət Gənclər Simfonik Orkestrinin bədii rəhbəri və baş dirijoru Teymur Göyçayevlə görüş keçirilmişdir. Teymur Göyçayevin yaradıcılığı haqqında Qara Qarayev adına Azərbaycan Dövlət Kamera Orkestrinin və Dövlət Gənclər Simfonik Orkestrinin direktoru Nazilə Yaqubova söhbət açmışdır. Dirijor Teymur Göyçayev öz yaradıcılığından, Azərbaycan musiqisinin dünyanın bir çox ölkələrində məhəbbətlə qarşılanmasından, gənc musiqiçilərlə iş prosesindən, gələcək planlarından söhbət açmış, ona ünvanlanan sualları cavablandırmışdır. Dövlət Gənclər Simfonik Orkestrinin musiqiçilərinin ifasında S. Raxmaninovun, L.Veraçininin, A. Məlikovun, Venyavskinin, Mendelsonun, Çaykovskinin, Kabalevskinin əsərlərindən nümunələr səslənmişdir.
 xəbərlərə
|
