7 noyabr 2013
Tofiq Quliyev – 96
7 noyabr 2013-cü il tarixində saat 15:00-da Azərbaycan Musiqi Mədəniyyəti Dövlət Muzeyində görkəmli bəstəkar Tofiq Quliyevin anadan olmasının 96-ci ildönümü münasibətilə tədbir-konsert keçirilmişdir. Tədbiri giriş sözü ilə muzeyin şöbə müdiri Xanım Abdinova açmışdır.
Tədbirdə Beynəlxalq müsabiqələr laureatı, Azərbaycan Televeziyası və Radiosunun musiqi kollektivlərinin bədii rəhbəri Ramil Qasımov bəstəkarın mahnılarından ibarət geniş konsert proqramı ilə çıxış etmiş, Tofiq Quliyev haqqında xatirələrini tamaşaçılarla bölüşmüşdür.
Muzeyin Qədim Musiqi Alətləri Ansamblının konsertmeysteri, Azərbaycan Respublikasının əmakdar artisti Munis Şərifov, Azərbaycan Musiqi Mədəniyyəti Dövlət Muzeyinin direktor müavini Təranə Qurbanova çıxış etmişlər. Bütün çıxışlar Tofiq Quliyevin həyat və yaradıcılığını əks etdirən muzeyin materialları əsasında hazırlanmış slayd-şou ilə müşaiyət etdirilmişdir.
Tədbirin qonaqları Klassik Musiqi Həvəskarları Klubunun üzvləri, musiqi kollecin tələbələri, musiqi ictimaiyyəti və Bakı şəhərinin muzeylərinin işçiləri olmuşlar.
 Tədbirlər
|
