20 may 2024
20 may 2024-cü il tarixində Latviya Respublikasının Memorial Muzeylər Birliyinin direktoru Rita Meyner (Rita Meiner) və latış yazıçısı Yanis Akuratersin (Janis Akuraters) Ev Muzeyinin müdiri Mayra Valtere Azərbaycan Musiqi Mədəniyyəti Dövlət Muzeyinin filialı olan Niyazinin Mənzil Muzeyinin və Qara Qarayevin Ev Muzeyinin qonağı olmuşlar.
Qonaqlara Niyazinin və Qara Qarayevin həyat və yaradıcılıq yolu haqqında ətraflı məlumat verilmiş, əsərlərinin video və audioyazıları təqdim edilmişdir. Niyazi Mənzil Muzeyində nümayiş olunan və Niyazinin Latviya ilə yaradıcılıq əlaqələrini əks etdirən eksponatlar və hədiyyə edilən muzeyin reklam məmulatları onların xüsusi marağına səbəb olmuşdur.
 Ümumi xəbərlər
|
|
